Қарағанды облысы Балқаш қаласының Қоңырат шағын ауданында қуаты 4,77 МВт күн электр станциясы пайдалануға берілді. Инвестициялық жобаны «Коунрад» мыс компаниясы жүзеге асырды. Ашылуға Балқаш қаласының әкімі Сапар Сатаев, Қарағанды облысы бойынша экология департаментінің басшысы Дархан Исжанов және «Central Asia Metals PLC» компаниясының атқарушы директоры Найджел Робинсон қатысты.

Күн станциясы сегіз айда салынды. 10 гектар аумақта 8 850 панель орнатылды, 6 шақырымнан астам ұңғымалар бұрғыланды, жалпы салмағы 200 тоннадан асатын 177 металл конструкциялар жиынтығы орнатылды, 64 шақырым кабельдік-өткізгіш өнімдер төселді. Есептеулер бойынша станция кәсіпорынның электр энергиясына деген қажеттілігінің 16-18% қамтамасыз етеді.

Жобаның бастамашыларының бірі қажетті техникалық-экономикалық есептерді ұсынған, сондай-ақ жобаны жоспарлы іске асыруды қамтамасыз еткен «ТехноГруппСервис» ЖШС болды. «ТехноГруппСервис» ЖШС техникалық директоры К. Г. Абеновтың айтуынша, жер жұмыстарын қиындатқан тау жыныстарына байланысты жобаны жүзеге асыру оңай болған жоқ. Алайда, «Коунрад» мыс компаниясының үйлесімді жұмысының арқасында бұл жағдай объектіні жоспарлы пайдалануға беруге кедергі болмады.

Станцияны сынақтан өткізу құқығы Найджел Робинсонға берілді. Экология департаментінің басшысы Дархан Исжанов Балқашта жаңа КЭС арқасында атмосфераға зиянды шығарындыларды азайтуға болатынын атап өтті.

2023 жылғы 31 қазанда Қазақстан Республикасы Күнін мерекелеу құрметіне Қырғыз Республикасындағы Қазақстан Республикасының Елшілігі Қазақстан мен Қырғызстанның Ұлттық әнұрандарымен ашылған ресми қабылдауды ұйымдастырды.

Аталған іс – шара аясында "ТехноГруппСервис" ЖШС Серіктесі Моминбаев Жомарт Қазақстан Республикасы мен Қырғыз Республикасы арасындағы екіжақты ынтымақтастықты нығайтуға қосқан үлесі үшін Сыртқы істер министрі-Қазақстан Республикасы Премьер-Министрінің орынбасары Мұрат Нұртілеуздің алғыс хатымен марапатталды.

50 МВт "Күн Бұлағы" КЭС құрылысының жобасы кейіннен 300 МВт-қа дейін кеңейтіле отырып, "ТехноГруппСервис" ЖШС Қырғыз Республикасының Энергетика министрлігімен бірлесіп "Таза Энерджи" ЖШҚ-мен іске асырылуда. Қазіргі уақытта жобаның инвестиция алдындағы кезеңі аяқталып, мемлекеттік сараптамадан өткеннен кейін оның құрылысы басталады.

Қазақстан Республикасының Қырғыз Республикасындағы Төтенше және Өкілетті Елшісі Рапиль Жошыбаев Қазақстан мен Қырғызстан тәуелсіз даму жылдарында ғасырлар бойғы достық пен тату көршілік байланыстарының мызғымастығын көрсеткенін атап өтті, бұл Мәңгілік достық туралы шартта (1997 ж.) және Одақтастық қатынастар туралы шартта (2003 ж.) расталады. Ол қалыптасқан сенімді қатынастарды және барлық деңгейлерде сақталатын саяси диалогтың серпінді бағытын жоғары бағалады. Өткізу пункттерін жаңғырту және реконструкциялау, сондай-ақ Қазақстан-Қырғыз шекарасында индустриялық сауда-логистикалық кешен салу бойынша жүргізіліп жатқан жұмыстар атап өтілді, бұл біздің елдеріміз арасындағы жүк тасымалдау көлемін едәуір ұлғайтуға және сауда ауқымын кеңейтуге мүмкіндік береді.

Қырғызстан Министрлер Кабинеті Төрағасының бірінші орынбасары Касымалиев Адылбекот екіжақты қатынастардың жоғары деңгейі мен екі мемлекет қызметінің барлық салаларында тығыз қолдауды атап өтті.

Ағымдағы жылдың 26 қазанында Ұлытау облысының әкімі Берік Әбдіғалиұлы, "ТехноГруппСервис" Серіктестігі Жомарт Моминбаев және Sinohydro Engineering Bureau Machineryand Equipment Co. Ltd. (PowerChina еншілес компаниясы) басшысы ГуоПингжун мырза ЖЭК саласындағы екі ірі жобаны дамыту бойынша ынтымақтастық туралы меморандумға қол қойды.

Бірінші жоба-Ұлытау облысының Жаңаарқа ауданында қуаты 1 ГВт ЖЭС салу. Ол үшін жергілікті билік 20 000 гектар жер телімін бөлді, онда жақын арада жел энергиясының әлеуетін өлшеу басталады. Осы объектімен электр энергиясын өндіру жылына 3,4 млрд. кВт * сағ көлемінде жоспарлануда, тартылатын инвестициялардың мөлшері 1 млрд.АҚШ долларына дейін құрайды.

Екінші жоба жел қондырғылары мұнараларының көтергіш металл элементтерін өндіруді ұйымдастыруға бағытталған. Зауыттың өнімділігі жылына 100 мұнараны немесе 800 МВт-қа дейін ЖЭС қуатын құрайды. Зауыт үшін Жезқазған қаласының индустриялық аймағында ауданы 20 га жер учаскесі бөлінді, онда жақын арада инженерлік-геологиялық іздестіру жұмыстары да басталады. Тартылатын инвестициялардың көлемі 25 млн.АҚШ доллары Болашақ зауыттың капсуласын салу рәсімі Ұлытау облысы басшылығының қатысуымен өтті.

Ағымдағы жылдың тоғыз айында ЖЭК объектілері өндірген электр энергиясының көлемі электр энергиясын өндірудің жалпы көлемінде 4,9 млрд.кВт*сағ құрады, бұл 5,97% - ға сәйкес келеді.  ЖЭК объектілерінің 2023 жылғы 9 айда электр энергиясын өндіруін ұлғайту 2022 жылғы 9 аймен салыстырғанда 25%  құрайды.

11.10.2023 жылы Астана қаласында «ТехноГруппСервис» ЖШС компаниясының Серіктесі Жомарт Момынбаев  ҚР Энергетика Вице-министрі Ж.Д. Нұрмағанбетовтың ұсынысы бойынша Қзақстандық «QAZAQ GREEN» ЖЭК қауымдастығы ұйымдастырған ЖЭК бойынша ашық диалогқа қатысты. Іс-шараға ҚР Электр энергетикасы саласымен тікелей байланысты мемлекеттік және квазимемлекеттік ұйымдардың басшылары, сондай-ақ Қазақстанда ЖЭК объектілерін салу жобаларын іске асыратын іскерлік қауымдастық өкілдері қатысты. Кездесу барысында ЖЭК саласындағы отандық өңдеу индустриясын қорғау және қолдау көрсету мәселелері, жаңартылатын энергия көздерін дамыту мен ықпалдастықтың өзекті мәселелері, елдің энергожүйесінің қаржылық тұрақтылығы мен тұрақтылықты  қамтамасыз ету шаралары талқыланды.  

Жомарт Момынбаев  ҚР қолданыстағы Заңнамасына өзгерістер енгізу және салық салу, кедендік баждар бойынша қолданыстағы жеңілдіктерді жою, импортталатын ЖЭК материалдары мен жабдықтары үшін пайыздық мөлшерлемені субсидиялау туралы ұсыныс жасады. Бірқатар уағдаластықтарға қол жеткізілді, тараптар айтылған ұсыныстар мен мәселелерді пысықтауға келісті.

Кездесу сындарлы диалог түрінде өтті. Қорытындылай келе, ҚР Энергетика Вице-министрі Ж.Д.Нұрмағанбетов қатысушыларды ЖЭК ірі жобаларын іске асыру кезінде мүдделерді қорғау, энергия жинақтау жүйелерін қолдану, өткен 3 айдағы ЭТН қызметін талдау және т.б. мәселелерінде өздеріне тән белсенділік танытуға шақырды.

Біз өз тарапымыздан  «QAZAQ GREEN» ЖЭК қауымдастығының Директорлар Кеңесінің Төрағасы Н.Н. Капеновтың тұлғасында  осы кездесуді ұйымдастырушыларға бизнес пен мемлекеттік органдар мен ұйымдардың өкілдері арасындағы диалогты ұйымдастырғаны үшін шын жүректен алғысымызды білдіреміз.