Қазақша
12 шілдеде Астанада Қазақстан Республикасы Сауда және интеграция министрлігінің қолдауымен B2G диалогы форматында шикізаттық емес экспортты дамыту мәселелері бойынша жедел штабтың кеңейтілген отырысы өтті. Бұл ауқымды іс-шараға 10-нан астам бизнес қауымдастықтардың, 20 мемлекеттік орган мен ұлттық даму институттарының өкілдері, сондай-ақ шамамен 150 экспорттаушы қатысты. Делегаттар Қазақстанның шикізаттық емес экспорт нарығындағы позицияларын нығайтуға бағытталған негізгі стратегиялар мен бастамаларды талқылады.
«ТехноГруппСервис» ЖШС өкілі Жомарт Нұрканов Экспорттық картель құру және өнімді бір несие келісімі аясында жеткізу туралы ұсыныс жасады, ол қабылданды. Бұл бастама экспорттық әлеуетті арттыруға және жоғары технологиялық қазақстандық өнімдердің халықаралық нарықтардағы бәсекеге қабілеттілігін арттыруға бағытталған. Қазіргі уақытта «ТехноГруппСервис» ЖШС Қырғыз Республикасында қуаты 50 МВт болатын КЭС салу жобасын жүзеге асыруда, оның жалпы құнының 80%-на дейінгі қазақстандық жабдықтар, қызметтер мен жұмыстарды экспорттау әлеуеті бар.
