Қазақша
2024 жылғы 19 қарашада Әзірбайжанның Баку қаласында өткен COP29 халықаралық конференциясында «Кун Булагы» (Қырғызстан) күн электр станциясы жобасы Climate Project Showcase аясында ұсынылды. Қуаттылығы 50 МВт болатын бұл жоба Орталық Азияда «жасыл» облигациялар механизмі арқылы қаржыландырылған алғашқы бастама болып табылады және ЕЭК БҰҰ-ның жаһандық климаттық бастамалар портфеліне енгізілді.
Жоба жаңартылатын энергетиканы дамытуға қосқан бірегей үлесі үшін атап өтіліп, Ұлттық деңгейде айқындалған салымдарды (NDCs) іске асыруға ықпал ететін перспективалық инвестициялық шешім ретінде танылды. High-Level Climate Champions тобы ұйымдастырған, Даниэль Коста мен Сагарика Чаттерджидің қатысуымен өткен сессияда климаттық жобаларды дамыту және қаржыландырудың негізгі аспектілері, соның ішінде жоба әзірлеушілердің қажеттіліктері мен инвесторлардың күтулері талқыланды.
Сонымен қатар, жоба «Климаттық шешімдерге инвестициялық мүмкіндіктер» сессиясында ТехноГруппСервис ЖШС Жасыл технологиялар орталығының жоба менеджері Аружан Моминбаева тарапынан таныстырылды. Өз сөзінде ол «Кун Булагы» сияқты ірі экологиялық бастамаларды жүзеге асыруда тұрақты қаржыландырудың маңыздылығына назар аударды.
Кун Булагы: энергетикаға жаңашыл көзқарас
СЭС «Кун Булагы» көміртегі ізін азайтуға және аймақтағы энергетикалық қауіпсіздікті нығайтуға ғана емес, сонымен қатар «жасыл» облигациялар сияқты тұрақты қаржылық құралдарды қолдану үлгісіне айналуға мүмкіндік береді. Жоба жұмыс орындарын құруға, шығарындыларды азайтуға және жергілікті өндірісті қолдауға бағытталған, бұл Қазақстанның тұрақты даму саласындағы стратегиялық мақсаттарына толық сәйкес келеді.
Халықаралық бастамаға қатысу және ЕЭК БҰҰ-ның жаһандық климаттық портфеліне қосылу жобаның жаһандық климаттық күн тәртібі үшін маңыздылығын көрсетеді. Бұл инвестицияларды тарту және ТехноГруппСервис компаниясының жаңартылатын энергетика саласындағы көшбасшы ретінде позицияларын нығайту үшін жаңа мүмкіндіктер ашады.
«Кун Булагы» жобасы инновациялық шешімдер мен тұрақты қаржыландырудың жаһандық энергетикалық ауысымның негізгі қозғаушы күштері бола алатынын көрсетеді. ТехноГруппСервис ЖШС жаңартылатын энергетиканы дамытуға қосқан үлесімен мақтанады және ауқымды климаттық бастамаларды іске асыруда белсенді жұмысын жалғастыруда.
