2023 жылғы  қарашаның 21-25 аралығында Бакуде БҰҰ-ның Орталық Азия және Әзірбайжан елдерінің экономикаларына арналған Арнайы бағдарламасының (SPECA) 25 жылдығына арналған көрме өтті. Көрменің мақсаты Қазақстан, Әзірбайжан, Қырғызстан, Тәжікстан, Түрікменстан және Өзбекстанның экономикалық әлеуетін көрсету, мемлекеттер арасындағы ынтымақтастық пен аймақтық  экономикалық байланыстарды нығайту мүмкіндіктерін талқылау болды. Форумда аймақтың транзиттік маршруттарды әртараптандырудағы, цифрландырудағы, сауда мен көлікті дамытудағы, сондай-ақ орнықты даму саласындағы мақсаттарды орындаудағы маңызды рөлі талқыланды. Көрмені Әзербайжан Республикасының Экономика министрлігі ұйымдастырды. Әр елдің өкілдері жеке павильондарды иеленді, онда келесі бағыттар бойынша жобалар ұсынылды: өнеркәсіп, цифрлық даму және инновация, кәсіпкерлік және туризм.

«ТехноГруппСервис» ЖШС (TGS) көрмеге ресми түрде қатысып, «InTech-Forecast» бағдарламалық жасақтамасын және «GreenLight» ЖЭК қолдау сервисін ұсынды. Көрме барысында компания өкілдері TGS жобаларын ілгерілету  мен серіктестік және клиенттік базаларды кеңейту бойынша белсенді жұмыс жүргізді. Сондай-ақ, «Хабар» телеарнасына сұхбат беріліп, Тәжік, Түрікмен, Өзбек және Әзірбайжан серіктестерімен, сондай-ақ көрмеге қатысушы отандық компаниялармен ынтымақтастыққа бастама жасалды. TGS Цифрлық даму, инновациялар және аэроғарыш өнеркәсібі министрлігіне халықаралық ауқымдағы іс-шараға қолдау көрсеткені және қатысуға шақырғаны үшін алғыс білдіреді.

Көрме аясында 24 қарашада SPECA қатысушы-мемлекеттерІ басшыларының бірінші Саммиті өткізілді, онда Қазақстанның Президенті Қасым-Жомарт Тоқаев Экономикалық даму мен интеграцияға жәрдем көрсету  үшін мақсатты сенімгерлік  қорын құруды және экологиялық мәселелер бойынша бірлескен ғылыми-зерттеу жұмысын бастауды ұсынды. Мемлекет басшысы БҰҰ-ның Орталық Азия экономикаларына арналған Арнайы бағдарламасының (СПЕКА) елдері Еуропа мен Азия арасындағы құрлықтық көпірге айналды деп санайды.

Қазақстан 1997 жылы БҰҰ-ның Орталық Азия экономикаларына арналған Арнайы бағдарламасын құрудың бастамашысы болып табылады. БҰҰ-ның арнайы бағдарламасы 1998 жылы Қазақстан, Қырғызстан, Тәжікстан және Өзбекстанмен басталды, кейінірек оған Түркіменстан мен Әзірбайжан қосылды. Құрылтай құжатында – Ташкент декларациясында- «Бағдарламаның мақсаты ынтымақтастықты дамытуда, экономикалық дамуды ынталандыруда және Еуропа мен Азия экономикасына біріктіруде  Орталық Азия мемлекеттерін қолдау болып табылады», - деп атап өтілген.

2023 жылғы 17 қарашада Алматыда өткен Халықаралық энергетикалық саммит Қазақстан Республикасының электр энергетикасы саласының негізгі сын-қатерлерін талқылау алаңына айналды. Саммитте келесі сарапшылар сөз сөйледі: Исенов Баглан Какимжанович, "ОАЭК" АҚ Өндірістік-техникалық департаментінің директоры, Алимбетов Жаркымбек Копбаевич, Қазақстандық энергетиктер салалық кәсіподағы төрағасының орынбасары, Гладьев Евгений Валерьевич, Samruk Kazyna-United Green LLP Бас директоры, Моминбаев Жомарт Байзакович, "Qazaq Green" ЖЭК, Қауымдастығы" ЗТБ Директорлар кеңесінің мүшесі, Копенов Едил Кудайбергенович, "АлматыЭнергоСбыт" ЖШС Бас директоры, Жаңбыршы Ғалым Сәдуақасұлы, "Согра ЖЭО" ЖШС Техникалық директоры, Калменов Марат Эргалиевич, "Қазақстан-Британ Техникалық Университеті" АҚ, Бизнесті және жасыл технологияларды дамыту қызметінің басшысы,  және т. б.

Барлық қатысушылардың пікірінше, проблемалық мәселелердің бірі саладағы кадрлардың тапшылығы және энергетиктердің еңбекақысын арттыру қажеттілігі болды. Сондай-ақ, 2060 жылға қарай көміртегі бейтараптығына қол жеткізу шаралары және жаңартылатын энергетикаға жасыл қаржыны тарту мүмкіндіктері туралы ұсыныстар айтылды.

Саммит барысында өндірістік сектордың өкілдері жаңа энергетикалық жабдықтарды пайдалану тәжірибесімен және саланы цифрландыру саласындағы жобаларды іске асыру нәтижелерімен, оның ішінде ірі гидроэлектростанциялары үшін цифрлық қосарларды құру нәтижелерімен бөлісті.

"ТехноГруппСервис" ЖШС Жасыл облигациялар саясатын тексеру үшін (Green Bond Framework (GBF) қазақстандық провайдер АХҚО Жасыл қаржы орталығы (Green Finance Centre (GFC) (https://gfc.aifc.kz/en) дайындаған Сыртқы бағаны (Second Party Opinion (SPO) алғаны туралы хабарлайды. SPO қазірдің өзінде GFC: https://gfc.aifc.kz/ ресми веб-сайтында орналастырылған, сондай-ақ Халықаралық Капитал Нарықтары Қауымдастығының (International Capital Market Association (ICMA) тұрақты облигациялар эмитенттерінің халықаралық дерекқорына енгізілді. SPO-ның шығуы Қазақстан Республикасының Ұлттық валюта күніне орайластырылған, биыл оның 30 жылдығы атап өтіледі.

"ТехноГруппСервис" ЖШС International Finance Corporation (IFC), Қаржы нарығын дамыту және реттеу агенттігіне (ҚНДРА), "KASE" қор биржасына және АХҚО Жасыл қаржы орталығына "жасыл" облигацияларды одан әрі орналастыру үшін қажетті GBF әзірлеу және SPO шығару мүмкіндігі үшін алғыс білдіреді. Бұл шаралар Қазақстан Республикасының Президенті Қ. Тоқаев белсенді ілгерілетіп келе жатқан Орталық Азия елдеріндегі "жасыл" қаржыны дамыту саясатына толық сәйкес келеді (https://kz.kursiv.media/2023-11-03/fnsk-center/ )

"Жасыл" қаржы тетігін пайдалана отырып іске асырылатын бірінші жоба Қырғыз Республикасының Ыстықкөл облысында "Кун Булагы" СЭС50 МВт салу болып табылады. Электр станциясының жылдық өнімділігі 84,9 млн.кВт*сағ құрайды, СО2 шығарындыларының алдын алу көлемі – 10,5 мың тонна.

2023 жылғы 14 қарашада «Қазақстан-Британ техникалық университеті»  АҚ (ҚБТУ) Материалтану және жасыл технологиялар мектебінің Индустриялық комитетінің (ИК) отырысы өтті, отырысқа  Мектеп Деканы профессор, ф.-м.ғ.д. Н.Б.Бейсенханов, «ТехноГруппСервис» ЖШС серіктестері Ж.Б.Момынбаев және К.Г.Әбенов, сондай-ақ шақырылған ИК мүшелері қатысты.

Материалтану және жасыл технологиялар мектебі (МжЖТМ) ҚБТУ-да баламалы энергетика және нанотехнологиялар зертханасы және перспективалы материалдар мен технологиялар зертханасы негізінде құрылған. Нанотехнология ғылым мен техниканың іргелі және қолданбалы бағыттарының түйіскен жерінде орналасқан пәнаралық саланы қамтиды. Бағыт өзекті болды, өйткені ол наноөлшемді деңгейде материалдардың құрылымын қалыптастыруға және наноматериалдардың қасиеттерін өзгертуге мүмкіндік береді, осылайша олардың әртүрлі салалар мен ғылымға интеграциялануына ықпал етеді. Нанотехнологияларды пайдалана отырып, фотовольтаика сияқты жаңартылатын энергетиканың осындай бағыттары әзірленуде.

Отырыста «Электр энергетикасы саласын кадрлармен қамтамасыз ету» баяндамасымен «КОРЭМ» АҚ жобаларды дамыту және цифрлық трансформация бойынша сарапшысы PhD докторы А.А. Саухимов сөз сөйледі. Баяндамашы саладағы кадрлар тапшылығы тақырыптарына, кәсіби стандарттарға, лауазымдық позицияларға және «КОРЭМ» АҚ әзірлеп жатқан Энергетиканың цифрлық платформасына егжей-тегжейлі тоқталды. Материал аса жоғары қызығушылықты тудырды, өйткені өндірістік практикадан өту, дипломдық жұмыс тақырыбын таңдау және МжЖТМ түлектерін одан әрі жұмысқа орналастыру мәселелері Индустриялық комитет үшін аса өзекті мәселе болып табылады.

Отырысты қорытындылай келе, МжЖТМ Индустриялық комитетінің төрағасы Ж.Б.Момынбаев түлектердің жұмысқа орналасу пайызын 94%-ға дейін арттыру үшін МжЖТМ студенттерінің арасында  сауалнама жүргізу қажеттілігін атап өтті, бұл «ҚБТУ»АҚ Энергетика және мұнай-газ индустриясы мектебінің ағымдағы үздік нәтижесіне сәйкес келеді.