27.09.2023 ж. ҚР Президенті жанындағы Инвестициялар жөніндегі ұлттық агенттікте «ТехноГруппСервис» ЖШС өкілдері Жомарт Момынбаев, Қанат Әбенов ҚР ИҰА  директоры Талантбек Имановпен және «Кун Булагы» ЖШҚ компаниясының өкілдерімен Қырғыз Республикасының Ыстықкөл облысындағы «Қуаты 50 МВт «Күн Бұлағы» күн электр станциясының құрылысы» жобасының іске асырылу барысын талқылау үшін кездесу өткізді.  Жоба ЖЭК-ті жедел дамыту және Қырғыз Республикасында энергия тапшылығын төмендету, «жасыл» энергияға сұранысты қанағаттандыру мақсатында әзірленді. Естеріңізге сала кетейік, инвестицияның жалпы сомасы $30 млн-нан асады, ал құрылыс Ыстықкөл облысының Торы-айғыр ауылы аймағында жоспарлануда.

Инвесторлар жобаның іске асырылуы және жобаның осы кезеңіндегі мәселелер туралы ақпарат берді. Ұлттық агенттіктің директоры осы инвестициялық жобаны іске асырудың ерекше маңыздылығын атап өтті.

«Күн электр станциясының құрылысы - бұл энергетикадағы жаңалық, және Ұлттық агенттік жобаны қысқа мерзімде іске асыру үшін барынша қолдау көрсетуге мүдделі», - деп атап өтті Т. Иманов.

Өз кезегінде «ТехноГруппСервис» ЖШС өкілдері келешекті инвестициялық жобаны іске асыруға толық дайын екендіктерін растады.

11.09.2023 жылы бастамашысы «KAZ GREEN ENERGY» ЖШС және «Қазақмыс Смэлтинг» ЖШС болып табылатын әлеуметтік жоба аясында Балқаш қаласының көпбалалы және аз қамтылған отбасыларынан шыққан балалардың  мектеп-интернатының тәрбиеленушілері 50 МВт «Балқаш» Күн электр станциясына таныстыру сапарымен келді. «Қазақмыс Смэлтинг» ЖШС Балқаш өңірінің өміріне белсенді  ат салысып келеді. Бұл экскурсияның негізгі мақсаты жас қазақстандықтарды ЖЭК технологияларының дамуымен таныстыру, елімізде «жасыл» энергия өндірудің табиғи мүмкіндіктері қаншалықты көп екенін балаларға көрсету және қызығушылықты ояту, энергияның осы түріне көшудің маңыздылығын түсіндіру болып табылады.

«ТехноГруппСервис» өкілі Талғат Басалов электр энергетикасы индустриясындағы соңғы жаңалықтар, сарқылмайтын Жаңартылатын энергия көздерін дамытудың маңыздылығы туралы айтып өтті. Кейінірек экскурсияны ұйымдастырушылар балаларды түскі асқа шақырды. Жас қазақстандықтар ЖЭК жобаларының ауқымы мен мүмкіндіктерінен шабыт алды.

«ТехноГруппСервис» ЖШС ұжымы «KAZ GREEN ENERGY» ЖШС-не және «Қазақмыс Смэлтинг» ЖШС-не өскелең ұрпақ арасында тұрақты даму идеяларын ілгерілеткені, оларға сыйлаған қуаныш сәттері мен жаңа әсерлері үшін алғыс білдіреді. Мұндай әлеуметтік жобалар көп болады деп үміттенеміз, өйткені балаларға жасалған  жақсылық әрқашан игілікке айналады.

22.09.2023 жылы «ТехноГруппСервис» ЖШС өкілдері Жомарт Момынбаев, Жомарт Нұрқанов және Аружан Момынбаева қазақстандық «Qazaq Green» ЖЭК қауымдастығының»  өкілдерімен бірге жаңартылатын энергетиканың өзекті мәселелеріне арналған үш күндік іскерлік экспедицияға қатысты.

Бағдарламаның бірінші пункті Ақмола облысында Астана қаласынан 21 шақырым жерде орналасқан «ЦАТЭК Green Energy» ЖШС қуаты 100 МВт «Астана ЭКСПО-2017» жел электр станциясына сапар болды. Топ жел және энергетикалық жабдықтарды өндірушілердің техникалық шешімдерімен танысты, сондай-ақ өздерін қызықтырған сұрақтарға жауап ала алды. Сонымен, соңғы екі жылда желдің жылдамдығы 30 м/с мәнінен екі есе асып түсті, ЖЭС әрбір іргетасында мұнара осінің деформациясы мен ауытқуының 16 бергіші  орнатылған (нормада мұнара биіктігінің 1 метріне 3 мм-ден аспайды).   

ЭТН   енгізуді ескере отырып, ЖЭК дамыту мәселелерін талқылау Қатаркөл көлінің маңындағы «Борабай» Ұлттық паркінде орналасқан «Энергоинформ» АҚ (KEGOC) оқу орталығында өтті. Компанияның серіктесі Ж.Б. Момынбаев 2011 жылы «Энергоинформ» АҚ  басқарғанын, ал Қ. Г. Әбенов осы кезеңде оқу орталығының директоры болғанын атап өткен орынды болар еді.

23.09.2023 жылы ЖЭК екі жақты келісімшарттарын (корпоративтік РРА) дамыту талқыланды және «ЖЭК бүгіні мен болашағы» атты ой-талқы өтті, оған «KEGOC» АҚ Басқармасының экс-Төрағасы Б.Т. Қажиев, «ЖЭК қолдау бойынша РФО» ЖШС директоры Г.К.Нәлібаева, сондай-ақ электр энергетикасы саласын дамыту стратегиясын әзірлейтін стратегиялық зерттеулер орталығының өкілдері белсенді қатысты.

Салалық мәселелерді талқылағаннан кейін экспедиция қатысушылары «Ботай-Бурабай» археологиялық-этнографиялық мұражайына барып, керемет жаңалықтармен танысты. Дәл осы Ботай дәуірінде Қазақстанның солтүстігінде ежелгі тұрғындар тұрғын үй салып, жылқыны қолға үйреткен. Бұл тұрғын үйлер киіз үйлердің  пайда болуына негіз болған, содан бері қымыз жасау мәдениеті дамып келеді.

Сонымен қатар, оқу орталығында «Qazaq Green» ЖЭК қауымдастығы» аясында құрылған ЖЭК мектебінің жұмысы жүргізілді. Үш күн бойы бағдарлама тыңдаушылары ЖЭК технологияларының негіздерімен танысты, сондай-ақ қаржылық модельдер құрастырды және ЖЭК саласындағы заңнамамен танысты. ЖЭК мектебі мен «ҚБТУ» АҚ Материалтану және жасыл технологиялар мектебінің бірлескен жұмысын жүргізу туралы шешім қабылданды. Сондай-ақ, Қазақстан Республикасында энергия жабдықтарын өндіруді ұйымдастыру мәселелері талқыланды.

«ТехноГруппСервис» ЖШС «Qazaq Green» ЖЭК қауымдастығының» Директорлар кеңесінің Төрағасы Н.Капеновқа, «Qazaq Green» ЖЭК қауымдастығының» Басқарма Төрағасы А.Соспановаға үш күндік экспедицияны ұйымдастырғаны, өзекті мәселелерді талқылау кезінде іскерлік ахуалды қалыптастырып, ЖЭК нарығының барлық қатысушыларын біріктіргені үшін алғыс білдіреді. Оқу орталығының директоры Е.Досхожинге қонақ үй кешенінде жанға жайлы ортаны қалыптастырғаны, ашық ауада барбекю-кешкі ас пен арктикалық таңғы ас өткізгені үшін, сондай-ақ тап-таза тұнық суымен ашық бассейннің ерекше көрінісімен Ұлттық саябақтың көркем бейнесін сақтағаны үшін алғысымызды білдіреміз.

Бастамашысы «KAZ GREEN ENERGY» ЖШС және «Қазақмыс Смэлтинг» ЖШС болып табылатын әлеуметтік жоба аясында 14.09.2023 жылы Жезқазған қаласының көпбалалы және аз қамтылған отбасыларынан шыққан балалардың мектеп-интернатының тәрбиеленушілері Жезқазған қаласының маңындағы «Кеңгір» күн электр станциясына таныстыру сапарымен келді. Бұл экскурсияның негізгі мақсаты жас қазақстандықтарды ЖЭК технологияларының дамуымен таныстыру, елімізде «жасыл» энергия өндірудің табиғи мүмкіндіктері қаншалықты көп екенін балаларға көрсету және қызығушылықты ояту, энергияның осы түріне көшудің маңыздылығын түсіндіру болып табылады.

«ТехноГруппСервис» ЖШС өкілі Валерий Коноплев электр энергетикасы индустриясындағы соңғы жаңалықтар, жаңартылатын энергия көздері - сарқылмайтын көздерден алынатын энергия, ҚР ЖЭК дамуының маңыздылығы туралы айтып өтті. Күн энергиясын дамыта отырып, біз қуат тапшылығын жеңіп қана қоймай, экологиялық мәселелерді де шешеміз. Экскурсия барысында балаларға түскі ас ұйымдастырылды. Жас қазақстандықтар ЖЭК жобаларының ауқымы мен мүмкіндіктеріне қатты қызығушылық танытты. Белгілі болғандай, экскурсияға Жезқазған қаласының Энергетикалық колледжінің оқушысы қатысқан, ол ЖЭК тақырыбы бойынша өте қызықты сұрақтар қойды.

«ТехноГруппСервис» ЖШС ұжымы «KAZ GREEN ENERGY» ЖШС-не және «Қазақмыс Смэлтинг» ЖШС-не өскелең ұрпақ арасында тұрақты даму идеяларын ілгерілеткені, оларға сыйлаған қуаныш сәттері мен жаңа әсерлері үшін алғыс білдіреді. Мұндай әлеуметтік жобалар көп болады деп үміттенеміз, өйткені мұндай экскурсияларда алынған білім ЖЭК-ті одан әрі зерттеу үшін серпін бола алады, сондай-ақ мамандық таңдауға да себін тигізеді.